മതപരിവർത്തനം തടയുന്നതിനായി വീടുകൾ തോറും ക്യാമ്പെയ്‌നുമായി ഹിന്ദു ദേശീയവാദികൾ
മതപരിവർത്തനം തടയുന്നതിനായി രാജ്യവ്യാപകമായി പ്രചാരണം ആരംഭിക്കുമെന്ന് രാഷ്ട്രീയ സ്വയംസേവക സംഘവും (ആർ‌എസ്‌എസ്), വിശ്വ ഹിന്ദു പരിഷത്തും (വിഎച്ച്പി) ബന്ധപ്പെട്ട ഹിന്ദു ദേശീയ നേതാക്കളും പ്രതിജ്ഞാബദ്ധരാണെന്ന് യൂണിയൻ ഓഫ് കാത്തലിക് ഏഷ്യൻ ന്യൂസ് (യു‌സി‌എൻ) അറിയിച്ചു. ക്രിസ്തുമതത്തിലേക്കും ഇസ്ലാമിലേക്കും നിർബന്ധിത മതപരിവർത്തനം നടത്തുന്നത് ഗോത്രമേഖലയിൽ വ്യാപകമാണെന്ന് ഈ ഗ്രൂപ്പുകളുടെ നേതാക്കൾ അവകാശപ്പെടുന്നു.
ക്രിസ്തുമതത്തിലേക്കും ഇസ്ലാമിലേക്കും മതപരിവർത്തനം നടത്തുന്നുണ്ടോയെന്ന് പരിശോധിക്കാൻ വിഎച്ച്പിയും ആർഎസ്എസും ഗോത്രമേഖലകളിൽ വീടുകൾതോറും സന്ദർശനം നടത്തുമെന്ന് വിഎച്ച്പി വക്താവ് വിനോദ് ബൻസൽ പറഞ്ഞു. ഈ സന്ദർശനങ്ങളിൽ ആർഎസ്എസും വിഎച്ച്പിയും ഹിന്ദുമതത്തെക്കുറിച്ച് ആളുകളെ ബോധവൽക്കരിക്കുകയും ഹിന്ദുമതത്തിലേക്ക് പുന:പരിവർത്തനം ചെയ്യിക്കുകയും ചെയ്യും.
ക്രിസ്തുമതത്തിലേക്കോ ഇസ്ലാമിലേക്കോ പരിവർത്തനം ചെയ്തതായി കണ്ടെത്തിയ വ്യക്തികളിൽ നിന്ന് പട്ടികജാതി-പട്ടികവർഗ്ഗ ആനുകൂല്യങ്ങൾ എടുത്തുകളയാൻ ആർഎസ്എസും വിഎച്ച്പിയും സംസ്ഥാന സർക്കാരുകളുമായി യോജിച്ചു പ്രവർത്തിക്കുന്നുണ്ടെന്നും വിഎച്ച്പി നേതാവ് അവകാശപ്പെട്ടു. ഭക്ഷ്യസഹായം, അക്കാദമിക് സ്കോളർഷിപ്പുകൾ, തൊഴിൽ അവസരങ്ങൾ എന്നിവയുടെ രൂപത്തിലുള്ള ഈ ആനുകൂല്യങ്ങൾ താഴ്ന്ന ജാതിയിൽ നിന്നും ഗോത്രങ്ങളിൽ നിന്നുമുള്ള വ്യക്തികൾക്ക് അവരുടെ സാമ്പത്തിക വികസനം മെച്ചപ്പെടുത്തുന്നതിനായി നൽകപ്പെടുന്നു.
ഇന്ത്യയിലെ ക്രൈസ്തവ നേതാക്കൾ ഈ അവകാശവാദങ്ങളെ അപലപിച്ചു. വിഎച്ച്പിയുടെയും ആർ‌എസ്‌എസിന്റെയും അവകാശവാദങ്ങൾ സർക്കാർ രേഖകളിൽ പ്രതിഫലിക്കുന്നില്ലെന്ന് യുണൈറ്റഡ് ക്രിസ്ത്യൻ ഫോറത്തിന്റെ ദേശീയ കോർഡിനേറ്റർ എ സി മൈക്കൽ യു‌സി‌എ‌എന്നിനോട് പറഞ്ഞു.
“ തുടർമാനമുള്ള ജനസംഖ്യാ കണക്കെടുപ്പുകൾക്കു ശേഷവും ക്രിസ്ത്യൻ ജനസംഖ്യ 2.3 ശതമാനമായി തുടരുന്നു,” മൈക്കൽ പറഞ്ഞു “ഞങ്ങളുടെ എണ്ണത്തെ വ്യാജമായ് പെരുപ്പിച്ചു കാട്ടുവാൻ ഇവർക്ക് എന്താണധികാരം?വോട്ടുതടയൽ ഏകീകരിക്കാനുള്ള അവരുടെ അജണ്ട നടപ്പിലാക്കുന്നതിനുള്ള ഒഴികഴിവു മാത്രമാണ് ഇവ. മതസ്വാതന്ത്ര്യത്തിനുള്ള അവകാശം ഭരണഘടന പ്രകാരം നമ്മുടെ മൗലികാവകാശമാണ്. ”
മതപരിവർത്തന വിരുദ്ധ നിയമങ്ങളെ ന്യായീകരിക്കാൻ ഹിന്ദു ദേശീയവാദികൾ ക്രിസ്തുമതത്തിലേക്ക് വൻതോതിലുള്ള മതപരിവർത്തനത്തിന്റെ ഭീഷണി ഉപയോഗിക്കുന്നു. ഈ ദേശീയവാദികൾ പറയുന്നതനുസരിച്ച്, വഞ്ചനാപരമായ മാർഗ്ഗങ്ങളിലൂടെ പാവപ്പെട്ട ഹിന്ദുക്കളെ കൂട്ടത്തോടെ ക്രിസ്തുമതത്തിലേക്ക് പരിവർത്തനം ചെയ്തതായി ആരോപിക്കുന്നു.
വർദ്ധിച്ചുവരുന്ന മത അസഹിഷ്ണുതയും മതപ്രേരിതമായ അക്രമത്തിന്റെ സാധാരണവൽക്കരണവും കാരണം, നിരവധി തീവ്ര ഹിന്ദു ദേശീയവാദികൾ ഇതര വിശ്വാസങ്ങളിലേക്കുള്ള എല്ലാ മതപരിവർത്തനങ്ങളെയും വഞ്ചനയായി കണക്കാക്കുന്നു. വർദ്ധിച്ചുവരുന്ന കേസുകളിൽ, വർഗ്ഗീയവാദികൾ എല്ലാ ഹൈന്ദവേതര മത പ്രവർത്തനങ്ങളെയും നിർബന്ധിതമോ വഞ്ചനാപരമോ ആയ പരിവർത്തനങ്ങളായി ചിത്രീകരിക്കുന്നു.