വേങ്ങൂർ: പ്രാർത്ഥനാ സംഗമം ചാരിറ്റബിൾ ട്രസ്റ്റിന്റെ വകയായി ഇളമാട് പഞ്ചായത്തിലെ 7 വാർഡുകളിൽ കോവിഡ് ബാധിതരാകുന്നവർക്ക് വേണ്ടി സൗജന്യ ആംബുലൻസ് സർവ്വീസ് ഏർപ്പെടുത്തി. ഐ.പി.സി ബഥേൽ സഭയിൽ ചേർന്ന യോഗത്തിൽ പ്രാർത്ഥനാ സംഗമത്തിന്റെ ”കൈത്താങ്ങ് ” പദ്ധതിയുടെ ഉദ്ഘാടനം ട്രസ്റ്റിന്റെ ചെയർമാൻ പാസ്റ്റർ കെ.പി.ജോസ് വേങ്ങൂർ നിർവ്വഹിച്ചു. ട്രസ്റ്റിന്റെ വകയായി കലയപുരം ആശ്രയകേന്ദ്രത്തിലെ കോവിഡ് രോഗികൾക്ക് സൗജന്യമായി മരുന്നു വിതരണം ചെയ്തു. ഇളമാട് പഞ്ചായത്തിലെ 50 കാൻസർ രോഗികൾക്കുള്ള സാമ്പത്തിക സഹായവും വിതരണം ചെയ്തു.