കുമ്പനാട് : സംസ്ഥാന പിവൈപിഎ യുടെ ഈ വർഷത്തെ താലന്ത് ടെസ്റ്റ് നാളെ ഡിസം.5 ന് ഓൺലൈനായി നടക്കും. കോവിഡ് 19 ന്റെ പ്രതികൂല സാഹചര്യത്തിലും ഈ വർഷത്തെ താലന്ത് പരിശോധന മുടക്കം കൂടാതെ ഓൺലൈനായി നടത്തുവാൻ സംസ്ഥാന പിവൈപിഎ സമിതി തീരുമാനം കൈകൊണ്ടിരുന്നു.
പ്രഥമ ഓൺലൈൻ താലന്ത് പരിശോധന ‘ടാലെന്റോ ഡോകിമി സീസൺ III’, 2020 ഡിസംബർ 5 ശനിയാഴ്ച സംസ്ഥാന പി വൈ പി എ പ്രസിഡന്റ്‌ ഇവാ. അജു അലക്സിന്റെ അദ്ധ്യക്ഷതയിൽ പാസ്റ്റർ സാംകുട്ടി ജോൺ ചിറ്റാർ (മുൻ പി വൈ പി എ വൈസ് പ്രസിഡന്റ്‌) ഉദ്ഘാടനം നിർവഹിക്കും.
10 മേഖലകളിൽ നിന്നും 250ൽ പരം അംഗങ്ങൾ പ്രഥമ ഓൺലൈൻ താലന്ത് പരിശോധനയിൽ മാറ്റുരയ്ക്കും. ഉദ്ഘാടന സമ്മേളനം തത്സമയം സംസ്ഥാന പിവൈപിഎ ഫേസ്ബുക് പേജിൽ ലഭ്യമാകും.
മത്സരഫലങ്ങൾ സംസ്ഥാന പിവൈപിഎ വെർച്വൽ ജനറൽ ക്യാമ്പിനോടനുബന്ധിച്ചു പ്രഖ്യാപിക്കും.