രാജ്യത്ത് ആദ്യമായി പെട്രോൾ വില സെഞ്ച്വറി അടിച്ചു.

ന്യുഡൽഹി: ചരിത്രത്തിൽ ആദ്യമായി രാജ്യത്ത് പെട്രോൾ വില നൂറുകടന്നിരിക്കുന്നു. രാജസ്ഥാനിലെ ഗംഗാനഗറിൽ ഇന്ത്യൻ ഓയിൽ കോർപ്പറേഷൻ പമ്പുകളിളാണ് പെട്രോൾ വില 100.13 കടന്നിരിക്കുന്നത്. തുടർച്ചയായി 9 ദിവസങ്ങളിൽ ഇന്ധന വില കൂടി കൊണ്ടിരിക്കുകയായിരുന്നു. ഇന്ന് പെട്രോളിന് 25 പൈസയും ഡീസലിന് 26 പൈസയും വില വർധിപ്പിച്ചതോടെയാണ് രാജ്യത്തെ പെട്രോൾ വില 100 രൂപ കടന്നത്. ലിറ്ററിന് 91.62 രൂപയോടെ രാജ്യത്തെ ഉയർന്ന ഡീസൽ വില ഒഡീഷയിലെ മൽക്കാൻഗിരിയിലാണ്.