ഒ​.ടി​.ടിക്കും നവമാ​ധ്യ​മ​ങ്ങ​ൾ​ക്കും പിടിവീണു; പുത്തൻ മാ​ർ​ഗ​നി​ർ​ദേ​ശവുമായി കേന്ദ്ര സർക്കാർ.

ന്യൂ​ഡ​ൽ​ഹി: ഇന്നത്തെ ആധുനിക തലമുറ ഏറ്റവുമധികം ഉപയോഗിക്കുന്ന സ​മൂ​ഹ​മാ​ധ്യ​മ​ങ്ങ​ളു​ടെ ദു​രു​പ​യോ​ഗം ത​ട​യാ​ൻ മാ​ർ​ഗ​നി​ർ​ദേ​ശ​ങ്ങ​ൾ പു​റ​ത്തി​റ​ക്കി കേ​ന്ദ്ര​ സ​ർ​ക്കാ​ർ. ഇതിൽ ഒ.ടി.ടിയും ഉൾപ്പെടുത്തി അതോടൊപ്പം ഇവയെ നിയന്ത്രിക്കാൻ ത്രിതല സംവിധാനമാണ് ഒരുക്കുന്നത്. ഇവയുടെ നിയന്ത്രണത്തിനായി ” ഡിജിറ്റൽ മീഡിയ എത്തിക്സ് കോഡ‍് 2021″ എന്ന പേരിലാണ് നിലവിലെ നിയമങ്ങൾ പരിഷ്കരിക്കുമെന്ന് കേന്ദ്ര ഐ.ടി മന്ത്രി രവിശങ്കര്‍ പ്രസാദ്, വാര്‍ത്ത വിനിമയ മന്ത്രി പ്രകാശ് ജാവദേക്കര്‍ എന്നിവര്‍ വാര്‍ത്താ സമ്മേളനത്തിൽ പ്രസ്താവിച്ചു.

ഒ​ടി​ടി പ്ലാ​റ്റ്ഫോ​മു​ക​ൾ​ക്ക് ഒ​രു സ്വ​യം നി​യ​ന്ത്ര​ണ സം​വി​ധാ​നം വേ​ണ​മെ​ന്നും മാ​ർ​ഗ​നി​ർ​ദേ​ശ​ത്തി​ൽ പ​റ​യു​ന്നു. ഇ​തി​നാ​യി ഒ​രു ചീ​ഫ് കം​പ്ല​യി​ൻ​സ് ഓ​ഫീ​സ​ർ, നോ​ഡ​ൽ കോ​ൺ​ടാ​ക്ട് പേ​ർ​സ​ൺ, ഒ​രു റ​സി​ഡ​ന്‍റ്സ് ഓ​ഫീ​സ​ർ എ​ന്നി​വ​രെ നി​യ​മി​ക്ക​ണം. ഒ​.ടി​.ടി പ്ലാ​റ്റ്‌​ഫോ​മു​ക​ളി​ൽ നി​ന്ന് സ​ർ​ക്കാ​ർ വി​വ​ര​ങ്ങ​ൾ തേ​ടും, എ​ന്നാ​ൽ ര​ജി​സ്ട്രേ​ഷ​ൻ നി​ർ​ബ​ന്ധ​മാ​ക്കി​ല്ല. 13 , 16 , A എ​ന്നീ രീ​തി​യി​ൽ ഒ​ടി​ടി പ്ലാ​റ്റ്‌​ഫോ​മു​ക​ളു​ടെ ഉ​ള്ള​ട​ക്കം വേ​ർ​തി​രി​ക്ക​ണം. ഇ​വ​ർ കു​ട്ടി​ക​ൾ കാ​ണു​ന്നി​ല്ലെ​ന്ന് ഉ​റ​പ്പ് വ​രു​ത്ത​ണ​മെ​ന്നും മാ​ർ​ഗ​നി​ർ​ദേ​ശ​ത്തി​ൽ പ്രത്യേകം പറയപ്പെടുന്നു.

വെ​ബ്സൈ​റ്റു​ക​ൾ​ക്കും ഒ.ടി​.ടി പ്ലാ​റ്റ്ഫോ​മു​ക​ൾ​ക്കും അ​ടി​സ്ഥാ​ന​പ​ര​മാ​യ കോ​ഡ് ഓ​ഫ് എ​ത്തി​ക്സ് ഏ​ർ​പ്പെ​ടു​ത്തു​ക​യും പ​രാ​തി പ​രി​ഹാ​ര സം​വി​ധാ​നം ഏ​ർ​പ്പെ​ടു​ത്തു​ക​യു​മാ​ണ് പു​തി​യ നി​യ​മ​ങ്ങ​ളു​ടെ ല​ക്ഷ്യം. ഒ.ടി.ടി പ്ലാറ്റ്ഫോമുകൾ, ന്യൂസ് വെബ്സൈറ്റുകൾ, സമൂഹമാധ്യമങ്ങൾ എന്നിങ്ങനെ എല്ലാത്തരം ഡിജിറ്റൽ മീഡിയ പ്ലാറ്റ്ഫോമുകളും പുതിയ നിയമങ്ങൾക്ക് കീഴിൽ വരും. ഒ​.ടി​.ടി പ്ലാ​റ്റ്ഫോ​മു​ക​ളി​ലും ഡി​ജി​റ്റ​ൽ പോ​ർ​ട്ട​ലു​ക​ളി​ലും പ​രാ​തി പ​രി​ഹാ​ര സം​വി​ധാ​നം ഉ​ണ്ടാ​യി​രി​ക്ക​ണം. ഹൈ​ക്കോ​ട​തി ജ​ഡ്‌​ജി അ​ല്ലെ​ങ്കി​ൽ ഈ ​വി​ഭാ​ഗ​ത്തി​ലെ പ്ര​ഗ​ത്ഭ​നാ​യ വ്യ​ക്തി​യോ ആ​ക​ണം പ​രാ​തി പ​രി​ഹാ​ര സ​മി​തി​യി​ൽ ഉ​ണ്ടാ​കേ​ണ്ട​ത്. പു​തി​യ പ​രാ​തി പ​രി​ഹാ​ര സം​വി​ധാ​ന​ത്തി​ലൂ​ടെ 24 മ​ണി​ക്കൂ​റി​നു​ള്ളി​ൽ പ​രാ​തി ര​ജി​സ്റ്റ​ർ ചെ​യ്ത് 15 ദി​വ​സ​ത്തി​നു​ള്ളി​ൽ തീ​ർ​പ്പു​ണ്ടാ​ക്ക​ണം.