ഡൽഹിയിൽ തീവ്രത കുറഞ്ഞ ഭൂചലനം; നാശനഷ്ടങ്ങളില്ല

ന്യൂഡൽഹി : രാജ്യ തലസ്ഥാനത്തു നേരിയ ഭൂചലനം. ഞായറാഴ്ച ഉച്ചയ്ക്കാണു തീവ്രത കുറഞ്ഞ ഭൂചലനമുണ്ടായത്. പഞ്ചാബി ബാഗ് പ്രദേശത്ത് ഉച്ചയ്ക്ക് 12.02നാണ് 2.1 തീവ്രത രേഖപ്പെടുത്തിയ ഭൂചലനമുണ്ടായത്. തറനിരപ്പിൽനിന്ന് 7 കിലോമീറ്റർ ആഴത്തിലായിരുന്നു പ്രകമ്പനം. നാശനഷ്ടങ്ങളുണ്ടായതായി റിപ്പോര്‍ട്ടില്ല.

ഡൽഹി ഭൂചലനത്തിന്റെ പ്രഭവകേന്ദ്രമാകുന്നത് അപൂർവമാണ്. മധ്യ ഏഷ്യയിലും ഹിമാലയത്തിലും എവിടെയെങ്കിലും ഭൂചലനമുണ്ടായാൽ ഡല്‍ഹിയിലും പ്രകമ്പനം അനുഭവപ്പെടാറുണ്ട്. ഫെബ്രുവരിയിൽ തജിക്കിസ്ഥാനിൽ ഭൂചലനമുണ്ടായതിനു പിന്നാലെ ഡൽഹിയിലും പരിസര പ്രദേശങ്ങളിലും സെക്കൻഡുകളോളം പ്രകമ്പനം അനുഭവപ്പെട്ടിരുന്നു.