കോവിഡ് വ്യാപനം: എട്ട് നഗരങ്ങളിൽ രാത്രികാല കർഫ്യു പ്രഖ്യാപിച്ച് കർണാടക

ബംഗളുരു: കോവിഡ്-19 വ്യാപനം വർദ്ധിക്കുന്നതിനെ തുടർന്ന് ബംഗളൂരു ഉൾപ്പെടെ എട്ട് നഗരങ്ങളിൽ കർണാടക സർക്കാർ ശനിയാഴ്ച മുതൽ രാത്രികാല കർഫ്യു ഏർപ്പെടുത്തി. രാത്രി 10.00 മണി മുതൽ പുലർച്ചെ 5.00 മണി വരെയാകും നിരേധനാജ്ഞ.

ബംഗളൂരു, മൈസൂരു, മംഗളൂരു, കൽബുർഗി, ബീദർ, തുംകൂരു, മണിപ്പാൽ, ഉഡുപ്പി എന്നിവിടങ്ങളിലാണ് ഏപ്രിൽ 20 വരെ നിരോധനാജ്ഞ ഏർപ്പെടുത്തിയിരിക്കുന്നത്. കോവിഡ് രോഗം പടർന്ന് പിടിക്കുന്ന സാഹചര്യത്തിൽ പ്രധാനമന്ത്രി നരേന്ദ്ര മോദിയുമായി നടത്തിയ ചർച്ചക്ക് ശേഷമാണ് ഈ തീരുമാനം.