ടെക്സസിലെ ചൈനീസ് പാസ്റ്റർക്കെതിരെ വധഭീഷണി

ടെക്സസ് (യു.എസ്): ചൈനയിലെ ക്രിസ്ത്യാനികളെ സഹായിക്കുന്ന ടെക്സസ് ആസ്ഥാനമായുള്ള ഒരു സംഘടനയെ നയിക്കുന്ന നാടുകടത്തപ്പെട്ട ഒരു ചൈനീസ് പാസ്റ്റർക്കെതിരെ ചൈനീസ് കോടീശ്വരന്റെ നേതൃത്വത്തിൽ ഉപദ്രവം, വധഭീഷണി എന്നിവ
നിത്യസംഭവമാകുന്നു.

അമേരിക്കയിൽ ‘മൈൽസ് ക്വോക്ക്’ എന്ന പേരിലറിയപ്പെടുന്ന വെൻ‌ഗുയി ഗുവോ, ഒരു യുട്യൂബ് വീഡിയോയിൽ ബോബ് ഫൂവിനെയും അമേരിക്കയിലെ മറ്റ് ചൈനീസ് പാസ്റ്റർമാരെയും പൗരന്മാരെയും വധിക്കുമെന്ന് ഭീഷണിപ്പെടുത്തി.

“നാടുകടത്തപ്പെട്ട ശതകോടീശ്വരൻ വിസിൽ ബ്ലോവർ” എന്ന് ന്യൂയോർക്ക് ടൈംസ്
വിളിക്കുന്ന ക്വോക്ക്, ഫ്യൂ ഒരു കമ്മ്യൂണിസ്റ്റ് ചാരനായതിനാലാണ് പ്രതിഷേധക്കാരെ അയാളുടെ വീട്ടിലേക്ക് അയയ്ക്കുന്നതെന്ന് യൂട്യൂബ് വഴി പ്രഖ്യാപിച്ചതായി, ടെക്സസിലെ മിഡ്‌ലാന്റിലെ കോസ-ടിവി റിപ്പോർട്ടു ചെയ്തു.

“ചൈന എയിഡി”ന്റെ സ്ഥാപകനായ ഫു പറയുന്നത് ക്വോക്ക് ആണ് കമ്മ്യൂണിസ്റ്റ്’
എന്നാണ്.

തന്റെ സംഘടനയുടെ അഭിപ്രായത്തിൽ പാസ്റ്റർ ഫുവിന്റെ കുടുംബത്തെ അവരുടെ സുരക്ഷയ്ക്കായി ഒരു രഹസ്യ സ്ഥലത്തേക്ക് മാറ്റാൻ നിർബന്ധിതരായിട്ടുണ്ട്; എന്നാൽ “ഈ രാജ്യത്തെ എല്ലാ സഭകളിലെയും ഓരോ പാസ്റ്ററിനും നേരെയുള്ള ആക്രമണമായ ഈ ഭീകരപ്രവർത്തനങ്ങൾക്ക് അദ്ദേഹം ഒരിക്കലും വഴങ്ങുകയില്ല.” ചൈനാ എയ്ഡ് വക്താവ് പറഞ്ഞു.

സെപ്റ്റംബർ 26 ന് ഫൂവിന്റെ വീടിന് പുറത്ത് പ്രതിഷേധക്കാർ തടിച്ചുകൂടിയതായും ഭാര്യയും മക്കളും വീട്ടിലുണ്ടായിരുന്നെന്നും ചൈന എയ്ഡ് അസോസിയേഷൻ പ്രസ്താവനയിൽ പറഞ്ഞു. അതിനുശേഷം, പ്രതിഷേധക്കാരുടെ എണ്ണവും അക്രമത്തിനുള്ള ആഹ്വാനവും വർദ്ധിച്ചു. ഒക്ടോബർ 5 ന് 50 ലധികം പ്രതിഷേധക്കാരുള്ള ഒരു ബസ് ഫൂവിന്റെ വീടിന് പുറത്തുണ്ടായിരുന്നു.

ഫൂവിനെയും ഉപദ്രവിക്കപ്പെട്ട മറ്റ് പാസ്റ്റർമാരെയും പിന്തുണയ്ക്കാൻ “വർഗ്ഗ, വർണ്ണ, ദേശ വ്യതാസമില്ലാതെ എല്ലാ പാസ്റ്റർമാരെയും” വിളിക്കാൻ യുഎസ് പാസ്റ്റർ കൗൺസിൽ മറ്റ് മന്ത്രാലയങ്ങളുമായും നേതാക്കളുമായും ചേർന്നു തീരുമാനിച്ചു.

1989 ലെ ടിയാനൻമെൻ സ്ക്വയർ പ്രതിഷേധത്തിൽ പങ്കെടുത്ത ഫു ഒരു ഭൂഗർഭ സഭയുടെ പാസ്റ്ററായി. ചൈനീസ് കമ്മ്യൂണിസ്റ്റ് പാർട്ടിയുടെ മതപരമായ പീഢനത്തെത്തുടർന്ന് 1996 ൽ അദ്ദേഹം ഭാര്യയോടൊപ്പം ചൈനയിൽ നിന്ന് പലായനം ചെയ്തു.