മഹാമാരിക്കാലത്തും കുട്ടികൾക്ക് ദശലക്ഷക്കണക്കിന് ഷൂബോക്‌സുകൾ സമ്മാനിച്ച് സമരിറ്റൻസ് പേഴ്സ്

ന്യൂയോർക്ക്: കോവിഡ്-19 ലോക്ക്ഡൗൺ പ്രതാസന്ധിയിലും 9.1 ദശലക്ഷം ഷൂബോക്സുകൾ ഓപ്പറേഷൻ ക്രിസ്മസ് ചൈൽഡ് വഴി ആവശ്യമുള്ള കുട്ടികൾക്ക് അയച്ചു സമരിറ്റൻസ് പഴ്സ് തങ്ങളുടെ സാമൂഹ്യ പ്രതിബദ്ധത തുടരുന്നു. കൊറോണ വൈറസിന്റെ വ്യാപനം ലഘൂകരിക്കുന്നതിന് ലക്ഷ്യമിട്ടുള്ള വർദ്ധിച്ച നിയന്ത്രണങ്ങൾ കാരണം ചില സംഘടനകൾ കോവിഡ്-19 തങ്ങളുടെ സേവനത്തെ ബാധിക്കുന്നതിനെക്കുറിച്ച് ആശങ്കപ്പെട്ടിരിക്കവെ ആണ് എന്നത് ശ്രദ്ധേയമാണ്. സന്നദ്ധസംഘടനകൾ എങ്ങനെ പെരുമാറണം എന്നതിനെക്കുറിച്ചുള്ള സർക്കാർ ഇടപെടൽ വർദ്ധിച്ചിട്ടും, ഓപ്പറേഷൻ ക്രിസ്മസ് ചൈൽഡ് നടത്തുന്ന സമരിറ്റൻസ് പേഴ്സ് ആവശ്യമുള്ളവർക്ക് തുടർന്നും നൽകുന്നതിന് മാർഗങ്ങൾ കണ്ടെത്തിയെന്ന് ‘സിബിഎൻ ന്യൂസ്’ റിപ്പോർട്ട് ചെയ്യുന്നു.

ബോക്സുകൾ പങ്കുവച്ച രാജ്യങ്ങളിലൊന്നാണ് ആഫ്രിക്കയിലെ ബെനിൻ. ഓപ്പറേഷൻ ക്രിസ്മസ് ചൈൽഡിന്റെ ഇൻസ്റ്റാഗ്രാം പേജിലെ ഒരു പോസ്റ്റിൽ ഇങ്ങനെ കുറിച്ചിരുന്ന, “കഴിഞ്ഞ ആഴ്ച ബെനിനിൽ, ഈ കുട്ടികൾ യേശുക്രിസ്തുവിന്റെ സുവിശേഷം കേട്ടു, സ്വന്തമായി സമ്മാനം നിറഞ്ഞ ഷൂബോക്സുകൾ ലഭിച്ചു.” ഓപ്പറേഷൻ ക്രിസ്മസ് ചൈൽഡ് മറ്റ് സഹായ സംഘടനകളിൽ നിന്ന് വ്യത്യസ്തമാണ്, അവർ ബോക്സുകൾ സമ്മാനിക്കുമ്പോൾ, അവ സ്വീകരിക്കുന്ന എല്ലാവരുമായും സുവിശേഷവും പങ്കിടുന്നു. സമരിറ്റൻസ് പേഴ്‌സിന്റെ ചെയർമാൻ ഫ്രാങ്ക്ലിൻ ഗ്രഹാം സിബിഎൻ ന്യൂസിനോട് പറഞ്ഞു, “ലോകമെമ്പാടുമുള്ള നിരവധി കുട്ടികൾക്ക് ഇത് ഒരു പ്രയാസകരമായ വർഷമാണ്. എന്നത്തേക്കാളും കൂടുതൽ, ദൈവം അവരെ സ്നേഹിക്കുന്നുവെന്നും അവൻ അവരെ മറന്നിട്ടില്ലെന്നും അവരെ ഓർമ്മപ്പെടുത്തേണ്ടതുണ്ട്. കുട്ടികളിൽ ഒരോരുത്തർക്കും ഷൂ ബോക്സിനൊപ്പം സുവിശേഷത്തിന്റെ പ്രത്യാശയും പങ്കുവെക്കുന്നതിനായി വർഷം മുഴുവനും സേവനസന്നദ്ധരായ എന്റെ സഹപ്രവർത്തക സംഘത്തിനായി ദൈവത്തോട് ഞാൻ നന്ദി പറയുന്നു.”

യു‌എസിൽ‌ 270,000 വോളണ്ടിയർ‌മാരും ലോകമെമ്പാടുമുള്ള 570,000 വോളന്റിയർ‌മാരും ഓപ്പറേഷൻ‌ ക്രിസ്മസ് ചൈൽ‌ഡ് സേവനങ്ങൾക്ക് ഒത്തുചേർ‌ന്നതായി റിപ്പോർ‌ട്ടുകൾ‌ പറയുന്നു. അതിൽ ഒരാളായ 104 വയസ്സുള്ള പടിഞ്ഞാറൻ വിർജീനിയക്കാരൻ 1,000 ബോക്സുകൾ പായ്ക്ക് ചെയ്തു, അതിൽ 333 എണ്ണം കഴിഞ്ഞ വർഷം മാത്രം ചെയ്തതാണ്. കഴിഞ്ഞ വർഷം, മൊത്തത്തിൽ, ലോകമെമ്പാടും 9.1 ദശലക്ഷം ഷൂബോക്സുകൾ കയറ്റി അയച്ചിട്ടുണ്ട്, ഇത് ഒന്നിലധികം ഭൂഖണ്ഡങ്ങളിലായി ദശലക്ഷക്കണക്കിന് കുട്ടികളിലേക്കാണ് എത്തുന്നത്. ഒരു സന്നദ്ധപ്രവർത്തകൻ സിബിഎൻ ന്യൂസിനോട് ഒരു പ്രസ്താവനയിൽ പറഞ്ഞു, “ദൈവം തന്റെ സഭയെ ശക്തിപ്പെടുത്തുന്നതിനും ഭാവി ശുശ്രൂഷയ്ക്ക് ശക്തമായ അടിത്തറയിടുന്നതിനും ഈ വർഷം ഉപയോഗിച്ചു. ഞങ്ങൾ പല ഇടത്തുനിന്നാണെങ്കിലും എന്നത്തേക്കാളും കൂടുതൽ ഏകീകൃതരായിരുന്നു.”