സ്ലൗ (യുകെ): ചർച്ച് ഓഫ് ഗോഡ് യുകെ ക്രോസ് കൾച്ചറൽ മിനിസ്ട്രീസിന്റെ ഔപചാരിക ഉദ്ഘാടനവും ഭാരവാഹികളുടെ സ്ഥാനാരോഹണ ശുശ്രൂഷയും സെപ്റ്റംബർ 12 ശനിയാഴ്ച സ്ലൗവിൽ നടക്കും. “പാലങ്ങൾ പണിയാം, തടസ്സങ്ങൾ തകർക്കാം” (Building Bridges & Breaking Barriers) എന്നതാണ് ശുശ്രൂഷയുടെ ചിന്താവിഷയം.
രാവിലെ 10:30ന് സ്ലൗ ആൻഡ് ലാംഗ്ലി കോളേജ്, സ്റ്റേഷൻ റോഡ്, ലാംഗ്ലി, സ്ലൗ, SL3 8GW എന്ന വിലാസത്തിലാണ് ശുശ്രൂഷ ക്രമീകരിച്ചിരിക്കുന്നത്.
ശുശ്രൂഷകർ
ചർച്ച് ഓഫ് ഗോഡ് യൂറോപ്പ്/മിഡിൽ ഈസ്റ്റ്/സി.ഐ.എസ്. ഫീൽഡ് ഡയറക്ടർ ഡോ. സ്റ്റീഫൻ ഡാർണൽ ഉദ്ഘാടന ശുശ്രൂഷയ്ക്ക് നേതൃത്വം നൽകും.
ചർച്ച് ഓഫ് ഗോഡ് യുകെ ക്രോസ് കൾച്ചറൽ മിനിസ്ട്രീസ് ഓവർസിയർ ബിഷപ്പ് ഡോ. ജോ കുര്യൻ, മിഡിൽ ഈസ്റ്റ് റീജിയണൽ സൂപ്രണ്ട് ഡോ. സുശീൽ മാത്യു എന്നിവർ ശുശ്രൂഷകളിൽ പങ്കുചേരും.
സ്ഥാനാരോഹണം
നാഷണൽ ഓവർസിയർ, റീജിയണൽ ഓവർസിയർമാർ, ഡിസ്ട്രിക്ട് ഓവർസിയർമാർ, അഡ്മിൻ & അക്കൗണ്ട്സ് ടീം, ട്രസ്റ്റീമാർ എന്നിവരുടെ സ്ഥാനാരോഹണ ശുശ്രൂഷയും ഇതേ യോഗത്തിൽ നടക്കും.
ചരിത്രം
1980കളുടെ ആരംഭത്തിൽ സി.ഒ.ജി. വേൾഡ് മിഷൻസ് ആരംഭിച്ച ലണ്ടൻ മെട്രോ മിഷനിലാണ് ചർച്ച് ഓഫ് ഗോഡ് യുകെ ക്രോസ് കൾച്ചറൽ മിനിസ്ട്രീസിന്റെ വേരുകൾ. യുണൈറ്റഡ് കിംഗ്ഡത്തിലെ വിവിധ ദേശീയതകളിലും ഭാഷകളിലും സംസ്കാരങ്ങളിലും പെട്ട ജനങ്ങളിലേക്ക് എത്തിച്ചേരുകയും, പ്രാദേശിക സഭകൾ സ്ഥാപിച്ച് കർത്താവായ യേശുക്രിസ്തുവിന്റെ മഹാനിയോഗം (മത്തായി 28:19,20) നിറവേറ്റുകയുമായിരുന്നു ഈ സംരംഭത്തിന്റെ ലക്ഷ്യം.
ഇന്ന് സി.ഒ.ജി. യു.കെ.സി.സി.എം. ഒരു രജിസ്റ്റേർഡ് ചാരിറ്റിയും ലിമിറ്റഡ് കമ്പനിയുമായി വളർന്നിരിക്കുന്നു; വിവിധ ദേശീയതകളിലും ഭാഷകളിലുമായി നിരവധി ബ്രാഞ്ച് സഭകൾ ഇന്ന് ഇതിന്റെ കീഴിലുണ്ട്.
പങ്കെടുക്കാൻ
ശുശ്രൂഷയിൽ പങ്കെടുക്കാൻ ആഗ്രഹിക്കുന്നവർ [email protected] എന്ന വിലാസത്തിൽ ആർ.എസ്.വി.പി. നൽകണമെന്ന് സംഘാടകർ അറിയിച്ചു.
കൂടുതൽ വിവരങ്ങൾക്ക്:
ഇവാഞ്ചലിസ്റ്റ് ഡോണി തോമസ് — 07828 723468
പാസ്റ്റർ ക്രിസ് ടൈറ്റസ് — 07767 950711
