തിരുവനന്തപുരം: സാക്ഷി അപ്പോളജറ്റിക്സ് നെറ്റ്വർക്കിന്റെ ആഭിമുഖ്യത്തിൽ ‘ആസ്ട്ര 2026’ (ASTra — Apologetic Summit and Training) ഒക്ടോബർ 17, 18, 19 തീയതികളിൽ തിരുവനന്തപുരം നാലാഞ്ചിറ മാർ ഇവാനിയോസ് വിദ്യാ നഗറിലുള്ള മാർ ഗ്രിഗോറിയോസ് റിന്യൂവൽ സെന്ററിൽ നടക്കും. ഗിരിദീപം കൺവെൻഷൻ സെന്ററിന് സമീപമാണ് വേദി.
“വിശ്വാസത്തെ പ്രതിരോധിക്കുക, സംസ്കാരത്തെ രൂപാന്തരപ്പെടുത്തുക, അടുത്ത തലമുറയെ സജ്ജമാക്കുക” എന്നതാണ് സമ്മിറ്റിന്റെ ആപ്തവാക്യം. ഒക്ടോബർ 17 ശനിയാഴ്ച രാവിലെ ഒൻപതിന് ഡോ. വിനിൽ പോൾ ഉദ്ഘാടനം നിർവഹിക്കും. 18 ഞായറാഴ്ച അർധദിന സെഷനും 19 തിങ്കളാഴ്ച സമാപന സെഷനുമാണ് ക്രമീകരിച്ചിരിക്കുന്നത്.
നാലു പ്രധാന വിഷയങ്ങൾ
നാലു ലോകവീക്ഷണങ്ങളെ കേന്ദ്രീകരിച്ചാണ് സമ്മിറ്റ് ക്രമീകരിച്ചിരിക്കുന്നത് — ക്രിസ്തുമതം (ബൈബിൾ, ക്രിസ്തു, ചരിത്രം, രൂപാന്തരം), ഹിന്ദുമതം (വേദഗ്രന്ഥങ്ങൾ, ദേവതകൾ, ദർശനങ്ങൾ), ഇസ്ലാം (വേദഗ്രന്ഥങ്ങളും വെളിപാടും), നിരീശ്വരവാദവും മതേതര ലോകവീക്ഷണങ്ങളും.
ബൈബിളിന്റെ ചരിത്രപരമായ വിശ്വാസ്യത, ക്രിസ്തുവിന്റെ പുനരുത്ഥാനത്തിനുള്ള തെളിവുകൾ, ബൈബിൾ വീക്ഷണം ചരിത്രത്തിൽ മനുഷ്യനെയും സമൂഹത്തെയും ഭരണകൂടത്തെയും കുറിച്ചുള്ള ധാരണകളെ എങ്ങനെ മാറ്റി, സർവകലാശാലകളും ആശുപത്രികളും ഉൾപ്പെടെയുള്ള ആധുനിക സ്ഥാപനങ്ങളുടെ രൂപീകരണത്തിൽ ക്രൈസ്തവ സമൂഹങ്ങളുടെ പങ്ക് തുടങ്ങിയ വിഷയങ്ങൾ ചർച്ച ചെയ്യപ്പെടും.
ഹിന്ദുമതം, ഇസ്ലാം എന്നിവയിൽ ഇലക്ടീവ് ട്രാക്കുകളും ലഭ്യമാണ്. നിരീശ്വരവാദ വിഷയങ്ങൾ രണ്ടു ട്രാക്കുകളിലും ഉൾപ്പെടുത്തിയിട്ടുണ്ട്.
25-ലധികം പ്രഭാഷകർ
ഇന്ത്യയുടെ വിവിധ ഭാഗങ്ങളിൽ നിന്നുള്ള 25-ലധികം റിസോഴ്സ് പേഴ്സൺമാർ സെഷനുകൾക്ക് നേതൃത്വം നൽകും. ജെയിംസ് വർഗീസ് (ഐ.എ.എസ്. റിട്ട.), റവ. ഡോ. ജോൺസൺ തെക്കടയിൽ, റവ. ഡോ. ഡാനിയേൽ ദീപക്, പാസ്റ്റർ ജെയ്സ് പണ്ടനാട്, ഇവാഞ്ചലിസ്റ്റുമാരായ അനിൽകുമാർ അയ്യപ്പൻ, നോബിൾ പ്രവീൺ, ഷാലേം ബല്ല, ഫിന്നി വർഗീസ്, പ്രൊഫ. റോയ് വി. പോൾ തുടങ്ങിയവർ ഉൾപ്പെടുന്നു.
ദിവസേന പാനൽ ചർച്ചകളും ചോദ്യോത്തര വേളകളും, മൂന്നാം ദിവസം ഗ്രൂപ്പ് അവതരണങ്ങളും ഉണ്ടായിരിക്കും.
സമാപന സമ്മേളനം
ഒക്ടോബർ 19 വൈകുന്നേരം ആറിന് നടക്കുന്ന സമാപന സമ്മേളനത്തിൽ ആദിവാസി സമൂഹത്തിനിടയിൽ പ്രവർത്തിക്കുന്ന ഇവാഞ്ചലിസ്റ്റ് എ. കെ. കൃഷ്ണൻകുട്ടി (അടിച്ചിപ്പുഴ) തന്റെ സാക്ഷ്യവും ഇന്ത്യയിലെ ആദിവാസി സമൂഹങ്ങളെക്കുറിച്ചുള്ള ദർശനവും പങ്കുവയ്ക്കും.
രജിസ്ട്രേഷനും സൗകര്യങ്ങളും
ഇംഗ്ലീഷിലും മലയാളത്തിലും സമാന്തര സെഷനുകൾ ഉണ്ടായിരിക്കും; രജിസ്ട്രേഷൻ സമയത്ത് ഭാഷ തിരഞ്ഞെടുക്കണം. പുരുഷന്മാർക്കും സ്ത്രീകൾക്കും പ്രത്യേക താമസ സൗകര്യം ഒരുക്കിയിട്ടുണ്ട്. കുടുംബങ്ങൾക്ക് സമീപത്ത് താമസ സൗകര്യം ലഭ്യമാണ് (സ്വന്തം ചെലവിൽ, മുൻകൂർ അറിയിക്കണം).
സെപ്റ്റംബർ 30 വരെ ഏർളി ബേഡ് നിരക്കിൽ രജിസ്റ്റർ ചെയ്യാം — വിദ്യാർത്ഥികൾക്ക് 1000 രൂപ, മറ്റുള്ളവർക്ക് 2500 രൂപ. ഒക്ടോബർ ഒന്നു മുതൽ വിദ്യാർത്ഥികൾക്ക് 1500 രൂപയും മറ്റുള്ളവർക്ക് 3000 രൂപയുമാണ് നിരക്ക്. മൂന്നു ദിവസത്തെ താമസവും ഭക്ഷണവും ഇതിൽ ഉൾപ്പെടുന്നു. സീറ്റുകൾ പരിമിതമാണ്.
രജിസ്ട്രേഷൻ: https://pages.razorpay.com/ASTra2026
കൂടുതൽ വിവരങ്ങൾക്ക്: +91 94475 78930, +91 95268 07050, +91 96525 19916
ഇമെയിൽ: [email protected]
